Føroyskt basalt verður virkað til gravsteinar, flísar og borðplátur

Føroya Grótvirki í Skopun er eitt serligt grótvirki, har føroyskt basalt verður skorið, slípað og tilevnað til bæði byggitilfar og ymiskar brúkslutir.

Grótið kemur úr egna grótbrotinum í Høvdarhaga, skamt frá virkinum. Her verða stórir basaltklettar virkaðir til millum annað gravsteinar, borðplátur, flísar og durahellur.

Føroya Grótvirki er partur av altjóða ÉCONOMUSÉE-samstarvinum, sum varpar ljós á handverk og handverkssøguna. Grótvirkið gevur eitt áhugavert innlit í, hvussu føroyskt grót kann verða brúkt og virkað.

Set teg í samband við virkið frammanundan, um tú ynskir at vitja.