12.-16. oktober verður Savnsfagnaður!

Vit gleða okkum at bjóða børnum, foreldrum, ommum, abbum og øllum, sum hava hug, at koma til eina hugnaliga løtu á Listasavninum.

Kl. 11.15 og kl. 13 verða verkstovur við listakvinnuni Turið Teitsdóttur.
Á verkstovuni fara vit at klippa og líma listakollasjur. Vit hava nógv spennandi tilfar at arbeiða við. Pláss er fyri 15 luttakarum á hvørjari verkstovu. Verkstovan er fyri børn í skúlaaldri.
Ókeypis atgongumerki kunnu heintast í móttøkuni.

Kl. 13 og kl. 14 vera rundvísingar fyri børn í føstu framsýningini, ið er hongd upp av nýggjum (uml. 20 min.)
Í heystfrítíðini hava vit opið mánadag til fríggjadag kl. 11-16.

Tað er ókeypis at vitja savnið, verkstovuna og at luttaka í rundvísingum.

Hjartaliga vælkomin á Savnsfagnað á Listasavninum.