Kanska byrjar tín framtíð á Jobmatch 2026

Ert tú farin undir hægri lestur, nýútbúgvin ella hevur tú arbeiðsroyndir og leitar eftir nýggjum avbjóðingum? Kanska leitar tú eftir einum læruplássi? Á Jobmatch hittir tú føroyskar fyritøkur og stovnar til eitt óformligt prát um lærupláss, størv, starvsvenjing og samstarv.

Kom og fá íblástur, knýt sambond og kanna møguleikarnar á føroyska arbeiðsmarknaðinum. Tú kanst eisini bíleggja eitt JobPrát frammanundan við eina fyritøku ella stovn, sum tú hevur áhuga í.

Vilt tú hava bringumerkið klárt við inngongdina og sleppa undan skrásetingarkøini? So skalt tú skráseta teg á jobmatch.fo í seinasta lagi dagin fyri tiltakið. Tú ert eisini vælkomin at skráseta teg, tá tú kemur.

Jobmatch verður týsdagin 29. desember 2026 í Stórhøllini við Tjarnir í Tórshavn.

Les meira á jobmatch.fo.